უნივერსიტეტის დასაქმების ცენტრმა და სს საქართველოს ბანკის ექსპრეს საბანკო მომსახურების დეპარტამენტმა ერთობლივად ჩაატარეს ბაკალავრიატის დასაქმების ფორუმი.

ბანკის ადამიანური რესურსების მენეჯერმა ანა ლიმარენკომ სტუდენტებს გააცნო ინფორმაცია „საქართველოს ბანკის“ ექსპრეს საბანკო მომსახურების დეპარტამენტის შესახებ და გამართა პრეზენტაცია არსებული პოზიციისა და კარიერის განვითარების შესაძლებლობების შესახებ.

პრეზენტაციის დასარულებისთანავე კარიერის დაწყების მსურველთათვის ჩატარდა პირველადი გასაუბრება, რომლის საფუძველზეც შერჩეულ სტუდენტებს შესაძლებლობა მიეცათ კარიერა განაგრძონ საქართველოს ბანკის ექსპრეს საბანკო მომსახურების დეპარტამენტში არსებულ სხვადასხვა პოზიციებზე.

საკონტაქტო პირი: ქეთევან კიტოვანი; ელ.ფოსტა: k.kitovani@gruni.edu.ge