სრულფასოვანი ექიმის აღზრდისათვის აუცილებელია სტუდენტმა კარგად იცოდეს ადამიანის აგებულება, მისი ანატომია. მაგრამ მხოლოდ სურათებით, სლაიდებით თუ ფილმებით ამის შესწავლა არაეფექტურია. აუცილებელია, რომ სტუდენტი ხშირად ხედავდეს ადამიანის ნორმალურ და პათოლოგიურ ორგანოებს. ამ მიზნით მედიცინის ფაკულტეტზე შეიქმნა ანატომიური მუზეუმი, სადაც სპეციალურ ხსნარებში ინახება ადამიანის ნამდვილი ორგანოები. პრაქტიკული მეცადინეობები ტარდება ამ მუზეუმში, სადაც სტუდენტებს შეუძლიათ იმუშაონ მითითებულ თემებზე.